في ثاني أيام عيد الفطر المبارك توقع المواطنين أن يستيقظوا على أخباراً سعيدة بعد وعود الرئيس عبد الفتاح السيسي لهم، لكن تلك التوقعات انقلبت بصدمة كبرى بعد زيادة أسعار المواد البترولية في بيان لوزارة البترول، الأمر الذي من شأنه أن يحبط ويهد طموح كل المصريين خاصة الطبقة المتوسطة لاسيما أن نسبة الزيادة الكبرى كانت في بنزين 80 أو البنزين الشعبي والذي تلجأ إليه الطبقة الفقيرة والمتوسطة. الأمر الذي أشعل غصب المصريين عامة وأبناء محافظة اﻻقصر بشكل خاص حيث يعي الاقصريون خطر زيادة أسعار الوقود في الوقت الحالي وما يترتب عليه من زيادة تسعيرة وأجرة المواصلات بالإضافة إلى السلع والخدمات ومواد البناء والسيارات وغيرها . وانتقل الغضب من الشارع إلى مواقع التواصل الاجتماعي حيث تصدر هاشتاج البنزين على موقع التدوينات القصيرة تويتر بعد ساعات من ارتفاع الأسعار، وتلاها رواد فيس بوك بمعارضة القرار والاستغاثات والمطالبات للمسؤولين والرئيس عبد الفتاح السيسي . بعض أراء المواطنين الاقصريون على موقع التواصل فيس بوك قال #محمد صالح محامي البقاء لله توفيت طموح طبقة محدودي الدخل والفقراء بعد رفع الأسعار من الحكومة كما قال #وليد فاروق رئيس مجلس ادارة الجمعيه الوطنيه لدفاع عن الحقوق والحريات ما يحدث نكبه حقيقية مصر دوله مش محل مني فاتوره…. كفايه زهقنا كما قالت #ام شروق ربة منزل سيدي الرئيس العيشه ليست خل بل أصبحت حنضل ومرار طافح اعطيني دخلا يكفيني ووقتها ارفع سعر المعيشه كما تراه مناسبا كل ما اكتبه نابع من حياة سيده مصريه تعاني الكثير كي تسد احتياجات أسرتها والمصروف يكفي علاج اولا مواصلات دراسة شروق الكهرباء المياه والخ الخ فإذا ارضاك كم المعاناه واصل الضغط ورغم كل هذا لن اتزحزح عن وطنيتي وحبي لبلادي لكن انظر لنا بعين الرحمه كما قال #اشرف الهلالي اعلامي طيب ليه …. مطلوب مننا احنا بس اللى نستحمل وفى ناس كتير كل يوم مرتباتهم بتزيد طيب ليه حضرتك بطبطب على أعضاء مجلس الشعب وبتزود مرتباتهم واحنا لا طيب سؤال صغير تقدر حضرتك بكرة تطلع قرار سيادى بالحد الأقصى للأجور …. يطبق على كل الموظفين فى الدولة ؟ طيب ليه حضرتك عايز تبنى البلد بس من قوت الغلابة هما الأغنياء دول مش بردة من البلد ولا ايه ياعم الحاج والله اللى فهمك انك كده بتبنى بلد بيضحك عليك لان مافيش بلد هتتبنى من غير عدالة إجتماعية مافيش بلد هتتبنى من قوت الناس الغلابة حسوا بقى متخلوش السيطرة الأمنية تغركم ممكن فى لحظة يحصل أنفجار ياكل الأخضر واليابس على فكرة احنا أكتر ناس خايفة على البلد يمكن يكون اكتر من ناس كتير حواليك وخلى بالك مافيش حد يقدر يقف قدام جوع البطون واللى انت بتقول علية أصلاح اقتصادى بيعمل خراب إجتماعى كبيرررر لأن أسر كتير بيتم تفككها أمام عدم المقدرة على الإنفاق ليخرج للمجتمع أطفال ناقمين على الدولة وعلى أسرتهم وعلى المجتمع ليبحثوا بعدها على مكان أخر يحتضنهم …. تفتكروا هيكون فين المكان ده ؟ أستقيموا يرحمكم الله وتقول #عزه القاضي دكتور تخاطب لذوي الاحتياجات الخاصه الغلابه ياريس ؛ هما ليه مش بياخدو ضرييه من الاعلانات والممثلين والمسسلات مش بيعمل ليه ضريبه علي اصحاب الكامبوندات لما 57 بتعالج ورساله بتلبس ومصر الخير بتاكل وبنك الطعم بيدي المحتاج وبيت الزكاه بيكافح العشوائيات و الاورمان متوالية وصلات المايه والتعليم والارامل ورمضان الاي كل شحاته علانا سيدي الرئيس انت بتزود ليه اي الاي ناقص عندك وانت رامي حملك كله علي الجمعيات و المؤسسات الاهليه وسيبهم يشحتو علنا ومشفناش شي من الدوله مفيش غير صندوق تحيا مصر ودا الغريب الوحيد الاي مشحتش في رمضان يعني مش محتاج طب انت بتزود ليه نفسي افهم محتاج الفلوس لايه ما كدا كل شي هيزيد الناس هتجيبي منين يا ناس الغلبان يروح فين يا خوفي ليكون صدق بتاع الاورمان لما قال مصر مفهاش غلابه تبقي مصيبه طب الشباب يتجوز ازاي م كدا الفلوس مش هتكفي وهتحصل بلاوي الناس هتسرق وتاكل بعضها.
